Thu, Sep 18, 2014

Dia 3 y 4 di oktober ta bai tin e grandioso evento di Caribean sea Jazz festival ARUBA 2014. E evento aki ta trece hopi artistanan internacional y tambe local manera Prince Royce, Liv Warfield NPG Hornz, Candy Dulfer, Eric Calmes and friends, Grupo Gualao, Jazzanova DJ set, Richard Bona Quintet, Shuffle Demons, Down Town Dixy Society, Ryan the Haret, Tsunami, Sazon Cubano, Weapons of mass percussion, 'N Fuzion, Kross-Hart project, Charles  Brouwer. E evento aki lo tuma lugar Renaissance Arena. Buska bo ticketnan, ya cu evento aki ta uno cu bo no kier keda afo di dje. Carchinan ta obtenibel ...

  • image
  • image
Thursday, 06 March 2014 15:06

Taoist Tai Chi Society Aruba ta firma contract pa renovacion di Centro di Taoist Tai Chi

Rate this item
(0 votes)


Diabierna, 28 di februari 2014, despues di dos aña y mey di preparacionnan, directiva di Taoist Tai Chi Society Aruba, a sera acuerdo cu contratistanan pa cuminsa cu renovacion

di loke pronto lo ta centro di Taoist Tai Chi y cas di e sociedad aki na Aruba.

Den careda di 20 persona, miembronan di directiva, miembronan di e comision cu a guia e preparacionnan y otro miembronan a precensia e firmamento di contract y a celebra hunto e siguiente fase den e soño tan spera cu ta birando realidad.  

E propiedad, un cas di famia na Stadionweg 13, Oranjestad, a wordo cumpra dos aña y mey pasa dor di e fundacion “Fung Loy Kok Institute of Taoism Aruba”, cu cual Taoist Tai Chi Society Aruba a firma un acuerdo pa uso di e edificio.

E trabou di renovacion lo wordo financia cu fondonan cu Taoist Tai Chi Society Aruba a recauda e ultimo 15 aña cu e donacionnan generoso di su miembronan. Presidente di Taoist Tai Chi Society Aruba, den nomber di directiva, ta yama danki na tur persona cu a yuda den e preparacionnan pa nan trabou duro, nan dedicacion y specialmente nan pasenshi. Ta calcula cu e trabou di renovacion lo termina pa september di e aña aki. Taoist Tai Chi Society Aruba ta cuminsa cu preparacionnan pa e gran apertura di e centro cu lo wordo celebra cu miembronan di afo y henter comunidad Arubiano.

 

Read 2024 times Last modified on Thursday, 06 March 2014 15:14